គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃព្រឹទ្ធសភា (គណៈកម្មការទី៨) បានរៀបចំកិច្ចប្រជុំផ្ទៃក្នុង ក្រោមអធិបតីភាពលោកជំទាវ មាន សំអាន ប្រធានគណៈកម្មការទី៨ព្រឹទ្ធសភា ដើម្បីពិនិត្យពិភាក្សាលើរបៀបវារៈចំនួន៤ រួមមាន៖១-បូកសរុបលទ្ធផលការងាររបស់គណៈកម្មការទី៨ព្រឹទ្ធសភា ប្រចាំខែវិច្ឆិកា ឆ្នាំ២០២៥ និងទិសដៅខែធ្នូ ឆ្នាំ២០២៥។២-ឆ្លងផែនការសកម្មភាពការងាររបស់គណៈកម្មការទី៨ព្រឹទ្ធសភា ប្រចាំឆ្នាំ២០២៦។៣-ការទូទាត់ថវិការបស់គណៈកម្មការទី៨ព្រឹទ្ធសភា ឆ្នាំ២០២៥ (ពីខែមករា ដល់ខែតុលា ឆ្នាំ២០២៥)។៤-ផ្សេងៗ។កិច្ចប្រជុំខាងលើនេះ ប្រព្រឹត្តទៅនៅបន្ទប់ប្រជុំគណៈកម្មការទី៨ព្រឹទ្ធសភា នារសៀលថៃ្ងព្រហស្បតិ៍ ៨រោច ខែកក្តិក ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៥…។
ប្រភព៖ នាយកដ្ឋានព័ត៌មាន
